Jugu i Shqipërisë është goditur nga një tërmet, i cili ka rënë në orët e para të mëngjesit. Konkretisht, lëkundjet janë regjistruar në orën 04:22 minuta, rreth 19 kilometra larg qytetit të Gjirokastrës.
Mësohet se tërmeti ka qenë i magnitudës 2.9 ballë, me thellësi 2 kilometra në tokë. Epiqendra ka qenë në Frashtan të Gjirokastrës, ndërsa lëkundjet janë ndjerë edhe në Sarandë dhe zonat përreth.
Fatmirësisht nuk ka persona të lënduar dhe nuk janë regjistruar as dëme materiale.
