Një tërmet i fuqishëm ka goditur Italinë mëngjesin e sotëm. Italia Qendrore është zgjuar nga dridhjet e forta të një tërmeti të fuqishëm me magnitudë 5.7 ballë.
Mediat italiane raportojnë se epiqendra ka qenë në bregun e Pesaros, në një thellësi prej 8 kilometrash. Lëkundjet e tërmetit janë ndjerë edhe në Romë, Firence, Bolonja dhe Italinë Veriore.
Sakaq, tërmeti është pasuar nga dy të tjerë me magnitudë më të ulët (3.1 dhe 3.4). Raportet e Ingv mbërritën pak pas orës 07:00 dhe u perceptuan qartë në zona të ndryshme të Rajonit.
Tërmeti që ka zgjatur disa sekonda, ka bërë që njerëzit të dalin në rrugë. Gjithashtu ka shumë raportime për zjarrfikësit për çarje në muret e shtëpive.
