Një keqkuptim mes trajnerit serb të Torinos, Sinisa Mihajlovic dhe stafit të tij, ka bërë që ky i pari të shpërthejë keq në fushë.
Jo vetëm kaq, por Mihajlovic ka shpërthyer deri në shtyrje fizike. E gjitha ndodhi në minutën e 80-të të ndeshjes ndaj Sassuolo-s, kur trajneri i Torinos kërkon të dalë nga fusha Rincon, por menjëherë shpërthen në ofendime dhe shtyrje ndaj Castellazzi, që është menaxheri i skuadrës dhe vetë zëvendësit të tij, Lombardo. Arsyeja është ngatërrimi i futbollistit që trajneri kërkoi të zëvendësohej.
Mihalovic kishte kërkuar zëvendësimin e Obi, por stafi i serbit ka dërguar pranë arbitrit të katërt emrin e gabuar.
Joel Obi, lojtari që Mihajlovic donte të zëvendësonte, në fakt shënoi gol. Lajmi ka bërë bujë në të gjitha mediat italiane, të cilat kanë publikuar fotot e sjelljes së Sinisa.
#BomberDelGiorno:Fare il Vice di #Mihajlovic classificato ufficialmente come lavoro ad alto rischio! #TorinoSassuolo pic.twitter.com/A7N6PUTZqb
— Donato Petruzzelli (@DonaPetruzzelli) August 27, 2017
