Tepelenë, sherri mes dy të rinjve përfundon me të shtëna me armë

Sherri i nisur prej disa ditësh në rrjetin social “Facebook” mes dy të rinjve ka përfunduar me të shtëna me armë zjarri pa të lënduar.
 
Sipas policisë, dy të rinj janë grindur fillimisht në rrjetin social për motive të dobëta dhe më pas janë konfliktuar fizikisht pranë ish-Shtëpisë së Oficerëve.
 
Njëri prej tyre ka qëlluar më armë zjarri pistoletë në ajër, ndërsa në këto momente ka mbërritur policia.
 
Policia nuk i ka arrestuar, por ka identifikuar njërin prej tyre, që është me inicialet A.B. ndërkohë që vijon puna për prangosjen dhe sqarimin e plotë të ngjarjes.