Një valë e re interesi ka ringjallur teorinë e rrjedhjes laboratorike. Mbi një vit që kur koronavirusi filloi të përhapet në Wuhan, ideja që “shpërthimi” vdekjeprurës mund të lidhet me një qendër kërkimore për viruset në qytetin kinez ka mbetur e paprovuar, por nuk është eliminuar si opsion.
Teksa mendimi primar është që ringritja e teorisë mund të vijë si pasojë e ndonjë të dhënë ose prove të re, e kundërta është në të fakt e vërtetë. Është pikërisht mungesa e vazhdueshme e provave bindëse pro ose kundër teorisë që ka nxitur thirrjet për hetime të mëtejshme.
Presidenti Biden tha të mërkurën se inteligjenca amerikane “nuk beson se ka informacion të mjaftueshëm” për të kuptuar plotësisht gjasat e skenarëve të ndryshëm për të shpjeguar origjinën e virusit që solli Covid-19.
Të paktën publikisht, provat për një lidhje midis daljes së virusit dhe Institutit të Virologjisë Wuhan (WIV) nuk kanë ndryshuar ndjeshëm prej muajsh, dhe shumë virologë ende kanë dyshime të vazhdueshme që ekziston një lidhje e tillë.
