Shkrimtari Teodor Keko, ka qenë një ndër protagonistët e lëvizjes së dhjetorit 1990, dhe themeluesit e PD. Por pak muaj pas zgjedhjeve të 22 marsit 1992, ai shpall largimin nga partia. Në fjalimin e fundit si deputet i PD në parlament në shtator, Keko e cilëson të turpshëm etiketimin e tij apo të liderit të lëvizjes studentore Azem Hajdari, si bashkëpunëtorë të Sigurimit të Shtetit.
Sipas Kekos, PD i ka të gjitha mundësitë të hapë dosjen e diktaturës, por çuditërisht nuk po e bën këtë. Keko e cilëson absurd faktin që nga partia e parë anti-komuniste, të largohen dhe mënjanohen kundërshtarët më të zjarrtë të Ramiz Alisë.
Keko u bie këmbënave të alarmit edhe për korrupsionin e shfrenuar në administratë. “Çdo qeveri ka qenër që vetëm lehin, dhe zagarë që zbulojnë gjahun. Qeveria e zotit Meksi t’i ndjellë qentë e t’i lëshojë zagarët, që të korruptuarit të futen në burg dhe të ndershmit të punojnë të qetë!”- u shpreh askohe i ndjeri Keko. Mjerisht, nga atëhere kanë kaluar plot 26 vjet dhe kjo gjë nuk ka ndodhur ende. Qeveritarët janë bërë njësh me korrupsionin, dhe ndershmëria nuk shihet më si virtyt, por si një ves.
