Policia e Vlorës arrestoi ditën e djeshme 4 persona, të dyshuar si të përfshirë në atentatin e 10 majit të vitit 2019 ndaj Ines Hajrullës. Dy prej të arrestuarve janë njohur sot me masën e sigurisë. Gjykata e Vlorës vendosi “arrest me burg” për Daut Elmazin dhe Albano Goxhajn.
Ndërsa dy të arrestuarit e tjerë, Ardjan Ahmeti dhe Dejvison Serjani pritet të dalin për masë sigurie në ditët në vijim.
Në maj të këtij viti, personat në fjalë dyshohet se kanë qëlluar me armë zjarri ndaj Ines Hajrullës, por ky i fundit arriti të shpëtonte. Por, nga të shtënat me armë, mbeti i plagosur një kalimtar i rastit, 63-vjeçari Dajko Canodemaj.
Hajrulla ka qenë shënjestër e një atentati dhe në vitin 2017, ku humbi të dyja këmbët. Teksa makinës së tij iu vendos një sasi tritoli prej 300 gramësh.
