Mediat italiane kanë rikthyer dhe një herë në vëmendje, rastin e të riut shqiptar 25 vjeçar, i akuzuar zyrtarisht për vrasje në tentativë në rrethana rënduese të paramenduara. Ai ka dalë para trupit gjykues dhe aktualisht është lënë në burg, dhe seanca e radhës ndaj tij do të mbahet me 24 maj, shkruan Tirana Today.
Bëhet fjalë për 25-vjeçarin shqiptar Hasan Varoshi, i cili gati një vit më parë ka tentuat t’i vërë zjarrin ish të dashurës 40-vjeçare Alessandra. P, brenda shtëpisë së saj në Gaifana, mes Nocera dhe Gualdo Tadino në Itali.
Ndërsa, nga ana tjetër pronarët e ligjshëm të banesës i kanë kërkuar shqiptarit një kompensim prej 250 mijë euro, për demet e shkaktuara.
Sipas aktakuzës formuluar nga prokurorja Michela Petrini, Varoshi hyri në shtëpinë e ish të dashurës Alessandra duke e kërcënuar në mënyrë të përsëritur me vdekje. Në atë moment ai donte ta godiste dhe më pas e ka spërkatur me benzinë mobiliet e dhomës së ndenjes, gjumi dhe kuzhinës, ku dhe më pas ka hapur zjarr, raporton perugiatoday.it. 
Ngjarja ka ndodhur me 30 Janar të vitit 2017, ku gjatë dëshmisë së dhënë për policinë në spital shqiptari në atë kohë ka deklaruar se nuk bëhet fjalë për krim për xhelozi apo vrasje dashurie. Varoshi ka treguar se kishte shkuar në shtëpinë e Alessandra P., 40 vjeçe për t’i shkatërruar telefonin, pasi i dërgonte një shoqes së saj video ku ai dhe ajo shfaqeshin duke kryer marrëdhënie seksuale.
“Nuk është e vërtetë se shkova për ta dëmtuar”, tregon 25-vjeçari. “Në fakt ajo po më provokonte duke i dërguar të dashurës sime aktuale videon tona duke bërë seks.”
Sipas tij, Alessandra ishte duke bërë punët e shtëpisë dhe po pastronte me alkool kur ai shkoi në banesën e saj, shkruan Tirana Today.
Ai ka treguar se pas debatit, mes tyre lindi një grindje. Në sherr e sipër shishja me alkool përfundoi në tokë dhe 25-vjeçari ka thënë se e largoi atë, por ajo përfundoi te sobës, çfarë solli pastaj edhe shpërthimin e zjarrit.
“Ajo po digjej, unë e shpëtova nga flakët”, tregoi shqiptari në atë kohë.
“Alessandra, nga ato flakë, shpëtoi vetëm falë gatishmërisë së saj, duke dalë në tarracë dhe duke thirrur vëmendjen e një kalimtari. Ajo ka pati pësuar djegie të shkallës së dytë dhe të tretë në fytyrë, duart dhe këmbët, një plagë në bark dhe qëndroi gjatë në spitalin e Gjenovas”, është shprehur prokuroria duke hedhur poshtë pretendimet e shqiptarit.
Hetimet e menjëhershme bënë që shqiptari të lihej në burg. Sipas hetueseve dëshmia e dhënë nga shqiptari është e stisur, dhe se ai kishte shkuar qëllimit për të vrarë ish të dashurën. Shkurtin e kaluar mbrojtja e shqiptarit kishte kërkuar lirimin e tij, por gjyqtarët hodhën poshtë kërkesën për lirim. Ndaj tij do të hapet një gjyq për tentative vrasje, edhe pse ai ka ndryshuar dëshminë duke thënë se ka qenë në gjendje të dehur. TIRANA TODAY
