Një 54-vjeçar është rrahur për vdekje pasi tentoi të vidhte makinën e një familjeje, ku brenda saj ndodheshin të vetëm 3 fëmijë. Ngjarja e rëndë ka ndodhur në Filadelfia, ndërsa raportohet se fëmijët ndodhen në gjendje të mirë shëndetësore.
54 vjeçari u tërhoq me forcë nga makina dhe u rrah nga babai i fëmijëve dhe disa banorë të zonës. I dyshuari ishte i pavetëdijshëm kur mbërriti ambulanca, ku më pas ndërroi jetë në spital.
“Një ngjarje e rëndë ka ndodhur në Filadelfia ku një hajdut është rrahur për vdekje për shkak se tentoi të vjedhë makinën ku brenda saj ndodheshin tre fëmijë.
Prindërit e tre fëmijëve ndodheshin në një market të enjten që kaloi, në momentin kur hajduti Erik Hood, 54 vjeç u përpoq të vidhte makinën”, thuhet në reagimin e autoriteteve vendase.
