Një aksident ka ndodhur sot në Sarandë, ku automjetet janë përplasur njëra pas tjetrës në mes të ditës. Burimet bëjnë me dije se aksidenti është shënuar në rrugën Turizëm-Kanali i Çukës, ku disa automjete janë përplasur me njëra-tjetrën. Fatmirësisht, nga aksidenti nuk kishte të lënduar, por vetëm dëme materiale.
Ka qenë një automjet tip “Kia” që po drejtohej nga Emro Çela nga Kopaçëza e Delvinës, i cili, në mungesë të ndezjes normale për shkak të rënies së baterisë, ka tentuar ta ndezë automjetin në ecje duke zbritur nga një kodër, raporton “abcnews”.
Teksa i afrohej rrugës kryesore, nuk ka mundur dot të frenojë dhe për pasojë ka ndodhur dhe aksidenti. Fillimisht ai ka përplasur një mjet tip “Citroen” e më pas është përplasur më rëndë me tre automjete të tjera.
