Një sherr mes dy pacientëve të dehur ka lënë të plagosur një mjek në spitalin e Durrësit. Ngjarja ka ndodhur në urgjencë, ku mjeku roje ka ndërhyrë për të ndarë dy persona të dehur dhe më pas është goditur me tullë në fytyrë.
Mjeku po merr ndihmë mjekësore në spital, ndërsa policia ka nisur hetimet për ngjarjen. Ndërkohë që pas ngjarjes, policia ka nisur hetimet ndërsa dy personat janë shoqëruar në Komisariat.
Njoftimi i policisë:
Më datë 23.02.2019, rreth orës 19:30, në Urgjencën e Spitalit Rajonal Durrës, kanë shkuar shtetasit E.Sh., 33 vjeç dhe M.B., 38 vjeç, banues në Durrës, në gjendje të dehur ku janë konfliktuar dhe dyshohet se kanë goditur mjekun e Urgjencës.
Shërbimet e Policisë kanë shkuar menjëherë në Urgjencën e Spitalit dhe shoqëruan në Komisariat për veprime të mëtejshme dy shtetasit.
