Rastet e abuzimeve me të mitura, për fat të keq po shtohen çdo ditë e më shumë. Një shqiptar është kapur nga policia italiane, pasi ka tentuar që të abuzonte me një 13-vjeçare.
Ky rast është shënuar në Bellaria, në provincën e Riminit. Në pranga ka rënë një 66-vjeçar, i cili u zbulua nga baristi i një hoteli aty pranë.
Ky i fundit vuri re se shqiptari po i afrohej vajzës 13-vjeçare dhe vendosi të kontrollonte. 66-vjeçari synonte të merrte të miturën në një vend të izoluar dhe nisi ta prekte në pantallona.
Pasi ka monitoruar situatën, baristi ka lajmëruar dy policët që qëndronin në hotel. Shqiptari prej vitesh jeton në Brescia, dhe tani akuzohet për ‘dhunë seksuale’.
