Kreu i Partisë Demokratike, Lulzim Basha ka dhënë një deklaratë për mediet, teksa ka dalë jashtë Kuvendit, pas situatës së tensionuar e cila ka zgjatur disa minuta.
Basha ka sqaruar përse opozita e bllokoi foltoren, teksa shtoi se mafia ekstradoi Seitin me qëllim mbrojtjen e Tahirit dhe Ramës.
Më pas, Basha tha se Rama, Xhafaj, Marku dhe Interpoli janë bërë bashkë për të kyçur gojën.
Fjala e Bashës:
Mafia në pushtet e ekstradoi me nëj qëllim që të mbroja Tahirin dhe Ramën, opozita në parlament kërkoi fjalën për të kërkuar praninë e Ramës i cili u fsheh ashtu si në 27 janarin, kërkoi vrimën e miut. Kërkoi praninë e Ramës për t’u përballë me këtë skandal. Shumëfish më i rëndë është ky skandal që vërteton se ministri i Brendshëm, Rama, prokurorja e Përgjithshme, Interpoli janë bërë bashkë për të kyçur gojën. Vendi është në kthetrat e mafias, opozita nuk do pranojë më t’i mbyllet goja,. Ky nuk është më një parlament. Më 27 janar shqiptarët treguan që e kanë vrarë frikën.
