Arsenali do të përballet në sfidën e Europa League të vlefshme për fazën e grupeve me Qarabagun të enjten në mbrëmje. Londinezët me shumë mundësi do të udhëtojë drejt Bakusë pa yllin armen, Henrikh Mkhitaryan. Kjo nuk vjen për arsye sportive, por është politika që ia ndalon udhëtimin fantazistit, për shkak të tensioneve ndëretnike mes Armenisë dhe Azerbajxhanit.
Armiqësia mes dy vendeve mbi rajonin e “Nagorno Karabakut” mbetet e lartë. Për këtë arsye, Henrikh Mkhitaryan nuk udhëtoi në Azerbajxhan në vitin 2015, kur asokohe luante me Borussian e Dortmundit, e me gjasë do të bëjë të njëjtën gjë edhe për sfidën e Arsenalit.
“Siguria e futbollistëve tanë vjen para të gjithave dhe ne do të marrim një vendim për këtë, pasi të flasim me Mkhitaryan”, lexohet në një njoftim për shtyp të ekipit londinez. Skuadra londineze luan në stadiumin “Olimpik” në Baku, të enjten për Europa League.
Por, shumëkush pyet nëse Arsenali do ta sakrifikojë armenin Mkhitaryan nëse arrin në finalen e turneut, që si për ironi të fatit luhet në të njëjtin stadium.
