Presidenti i Turqisë, Recep Tayyip Erdogan ka zhvilluar dje një bisedë telefonike me kreun e Këshillit Evropian, lidhur me tensionet për Mesdheun Lindor.
Anadoly Agency raporton se Erdogan i ka thënë Charles Michel se “fjalët dhe hapat provokues të politikanëve evropianë rreth çështjeve rajonale nuk do të shërbejnë si zgjidhje”.
Gjithashtu, lideri turk i tha atij se qëndrimi i BE-së ndaj Mesdheut Lindor do të jetë një test i sinqeritetit në drejtim të ligjit ndërkombëtar dhe paqes rajonale.
Presidenti turk i kërkoi BE-së të përmbushë detyrimet e saj në mënyrë të drejtë për të parandaluar përshkallëzimin e tensioneve në Mesdheun Lindor dhe Egje nga hapat e ndërmarrë nga Greqia dhe disa vende të tjera.
Erdoğan gjithashtu u bëri thirrje institucioneve të BE-së dhe vendeve anëtare të jenë të drejta, të paanshme dhe të përgjegjshme ndaj të gjitha çështjeve rajonale.
