Pas shfuqizimit të dekretit të zgjedhjeve nga kreu i Shtetit Ilir Meta, kandidati për Bashkinë e Mirditës Gjon Ndoj është tërhequr nga gara.
Marrë shkas nga përkeqësimi i klimës politike në vend, Ndoj e ka ndërprerë fushatën dhe nuk është më kandidat në zgjedhje.
Kujtojmë se ai kandidonte si i pavarur ndërkohë u ka bërë apel qytetarëve të mos shkojnë të votojnë: “Kur kandidova situata ishte e qetë, por sot ju e shikoni si është. Me anulimin e zgjedhjeve nga Presidenti ndërpreva fushatën. Prandaj deklaroj se në 30 qershor nuk do të jem kandidat. Atyre që duan që unë të jem kryetar, u kërkoj që të mos shkojnë në zgjedhje. Demokratë dhe socialistë të bashkohemi të shpëtojmë demokracinë”.
