E shtunë, 31 Korrik, 2021
31.5 C
Tirana

Tenderi për uniformat e policisë/ Malaj: E pamundur ta bëjë një punonjës

Ish-ministri i Financave, Arben Malaj ka përshëndetur operacionin e SPAK për arrestimin e 9 zyrtarëve të MInistrisë së Brendshme, të cilët abuzuan me tenderin prej 28 milion euro për uniformat e policisë.

I ftuar në rubrikën ”Opinion” në News24, Malaj u shpreh se është e pamundur që një punonjës i administratës, të luajë gurët e rëndë për një tender me vlerë të tillë.

Ndër të tjera, Malaj tha se goditja për ekonominë e vendit është tepër e madhe.

Arben Malaj: ‘ Në rastin konkret duhet përshëndetur ajo që bën SPAK, por duhet të dallojmë diçka shumë thelbësore. Gjithë ideja nga arrestimet duket sikur në majën e këtij korrupsioni kaq të madh janë thjesht punonjësit e administratës. Nga përvoja e gjatë, edhe para viteve ’90 dhe pas viteve ’90 është e pamundur që një punonjës i administratës të marrë përsipër të luajë gurët e rëndë të një tenderi 28 mln euro. Por këta punonjës që me vetëdije kanë shkelur procedurat, e kanë bërë dëmin e tyre dhe do të shkojnë në një proces dënimi penal. Sa, unë nuk jam dakord me atë që thuhet pse merreni me peshqit e vegjël dhe nuk merreni me peshkaqenët. Pasojat më të mëdha, po ta shikoni dhe tani, dhe me iniciativën e SHBA-ve, por edhe me iniciativën e BE, korrupsioni dhe kapja e shtetit para së gjithash godet ekonominë. Kur nuk ka garë, ku dihet gjithmonë që garën do ta fitojë ai që ka korruptuar shtetin, bie interesi i biznesit.”

Gjykata e Posaçme kundër Korrupsionit dhe Krimit të Organizuar (GJKKO), ka marrë vendimin ditën e sotme, për 9 zyrtarët e Ministrisë së Brendshme, të cilët ishin të përfshirë në abuzimin me tenderin prej 2.8 miliard lekësh për uniformat e Policisë së Shtetit.

Lexo edhe :   Tenderi për uniformat e policisë, 9 zyrtarët mbeten në burg

GJKKO la në fuqi masat e ”arrestit me burg” për 8 prej tyre, ndërsa vetëm për anëtaren e KVO, Anisa Bogdani u vendos masa e sigurise ”arrest shtëpie”, për shkak se ka kërkuar të kujdeset për fëmijën e saj të mitur.

Lexo edhe :   Tenderi për uniformat e policisë, 9 zyrtarët mbeten në burg

Seanca është bërë me dyer të mbyllura, ndërkohë që personat e dyshuar kanë mohuar akuzat pasi pretendojnë se kanë kryer një procedurë tenderimi konform rregullave dhe kritereve të prokurimeve publike.

Arrest me burg:

Edlira Naqellari, ish-drejtoresha e Blerjeve të Përqëndruara në MPB

Flutura Çekrezi, zyrtare pranë Agjencisë së Blerjeve të Përqëndruara

Fatmir Demneri, anëtar i KVO

Mariglen Buzali, anëtar i KVO

Kreshnik Bejkaj, anëtar i KVO

Ani Omuri, anëtar i KVO.

Gëzim Mingaj, anëtar i KVO.

Arrest shtëpie:

Anisa Bogdani, anëtar i KVO.

- Reklama -

Më shumë nga kategoria




Të fundit

Varianti Delta përhapet me shpejtësi në Shtetet e Bashkuara

Presidenti Joe Biden po u kërkoi punonjësve të qeverisë federale të dëshmojnë statusin e tyre të vaksinimit. Të pavaksinuarit do të duhet të mbajnë...

Si duket Serbia…

Nga Emin Azemi Serbia e Edi Ramës kufizohet direkt me Shqipërinë (!) Kjo Serbi, Kosovën e konsideron pjesë të saj dhe, për rrjedhojë, Edi Rama...

45 raste të reja në 24 orët e fundit, asnjë viktimë

Në përditësimin e radhës nga Ministria e Shëndetësisë, vihet re një rritje e rasteve të infektimeve në 24 orët e fundit. Fatmirësisht nuk ka...

Përjashtohen nga Olimpiada dy atletë që shkelën rregullat kundër COV*D-19

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

Vrasja e kushëririt/Autori: Unë kam qëlluar, të lirohet nipi dhe vëllai

Në njoftimin zyrtar nga policia u tha se shtetasi Kastriot Hasalla u vetëdorëzua, për vrasjen e Romeo Hasalla, 30-vjeç, dy ditë më parë. Po...