Gratë shtatzëna mund të mësojnë për anomalitë e mundshme të fetusit që në javën e 12-të të shtatzënisë. Me anë të ekzaminimit Bi-test jo vetëm që mund të diagnostikohen problemet që lidhen me strukturën e kokës dhe trupit, sindroma të ndryshme, por mund të mësohet me saktësi dita e lindjes së bebeve. Bi-test është vetëm një nga diagnozat prenatale të cilat mundësohen nga Spitali Amerikan prej një ekipi të specializuar dhe me mjetet e teknologjisë më të fundit.
Përveç diagnozës me Bi-test, që kryhet në muajin e tretë të shtatzënisë, Eko 3D morfologjike është një tjetër ekzaminim mjaft i rëndësishëm në javën e 22-të të shtatzënisë, apo kur fetusi është 4 muaj e gjysmë. Dr. Gerasimo Partidas shpjegon arsyet pse, gratë shtatzëna duhet të kryejnë këto ekzaminime, në mënyrë që të garantojnë një shtatzëni të mbarë dhe lindjen e një bebeje të shëndetshme.
“Ekzaminimi i Bi testit është shumë i rëndësishëm pasi mund të diagnostikojë probleme që lidhen me strukturën e kokës dhe të trupit, të cilat mund të zgjidhen në atë moment dhe të mos pritet derisa shtatzënia të shkojë në muajt më të avancuar. Gjithashtu përcaktohet me saktësi rreziku për sindromat kronologjike dhe anomalitë kardiake”, shprehet mjeku i mirënjohur grek.
Sipas tij Bi-Testi përcakton me saktësi moshën e fetusit dhe ditën e lindjes. Në lidhje me eko-n morfologjike, mjeku sqaron se ajo kryhet në javën e 22-të të shtatzënisë.
“Eko-ja morfologjike mund të ekzaminojë deri në 80% të rasteve anomalitë kryesore për ecuritë e fëmijës, sa i përket trurit, organeve dhe zemrës, pra ato që kanë rëndësi jetike për fëmijën. I parashikojmë nëpërmjet këtij ekzaminimi në mënyrë që të dihet ecuria dhe të përgatiten prindërit në rastet që mund të ketë nevojë për trajtim spitalor pas lindjes”, sqaron mjeku Partidas.
