Ambasadorja e BE në Tiranë, Romana Vlahutin vendos që të reagojë për teatrin me gjithë se ligji për shembjen e Teatrit Kombëtar kaloi për miratim vetëm me votat e maxhorancës.
Nga qyteti i Fierit, Vlahutin i bëri thirrje qeverisë që të bëjë dëgjesa me qytetarët dhe të arrihet në një marrëveshje. Ajo theksoi mes të tjerash se për këtë çështje ka marrë disa letra, ndërsa shtoi se pas një analize të thellë do të vijë edhe përgjigja nga BE.
Kujtojmë se ligji ka hasur në kundërshtime të mëdha nga opozita, por edhe artistët dhe shoqëria civile.
“Kemi marrë letra dhe kërkesa që kanë të bëjnë me këtë çështje. Jemi duke bërë një analizë të gjatë ligjore. Këshilla ime do te ishte. Dëgjoni qytetaret tuaj, flisni me qytetaret tuaj për të gjetur zgjidhje në përfitim të atyre qytetareve. Përgjigja jonë do të vij pas një analize të thellë lidhur me çështjen e Teatrit. Të diskutohet me qytetarët”, tha Vlahutin.
