Muret e ndërtesës së Teatrit Kombëtar po bien çdo ditë. Gjithçka mund të shihet ë foto dhe video e filmuar tek Teatri Kombëtar nga krahu ku dikur ka qenë ish-Ministria e Zhvillimit Urban.
Fotot dhe video tregojnë që muri i Teatrit po shkatërrohen e po bien copa-copa. Kjo anë e godinës nuk është vënë re më parë sepse ka qenë e rrethuar për shkak të punimeve që po kryheshin deri para disa ditësh, për restaurimin dhe rikonstruksionin e ndërtesës së ish ministrisë së Zhvillimit Urban.
Kujtojmë se brenda 10 ditësh Shqipëria është lëkundur nga mbi 800 tërmete. Godina e Teatrit Kombëtar tregoi se nuk pyeste nga këto lëkundje, por nga goditjet e qeverise qe e kanë lënë pa asnjë rikonstruksion për gati 30 vite kanë bërë të vetën dhe muret e kësaj godine janë pranë shembjes.
Realisht kur shikon se si ka degraduar kjo ndërtesë, duhet reagim urgjent. Nuk e kemi fjalën aspak te ajo që po flitet për dhënie toke firmës për ndërtim, por te cilësia dhe garancia që jep kjo Godinë e Teatrit. Me sa duket Godina po bie nga pak e përditë.
