Nga: Marsela Sinani/Debati mbi godinën e Teatrit Kombëtar ka kaluar në fazën përfundimtare të tij, atë të konfliktit mes palëve. Artistët të ndarë në grupe, qytetarë të rebeluar, deputetë të ndarë politikisht, janë pasqyra e asaj çfarë të ofron kauza për të cilën ata ngrenë zërin.
Për një gjë nuk kemi kundërshti, e për fat jemi në një mendje, se ne e duam artin. E duam artin edhe kur pikon çatia, edhe kur kushtet janë të mjerueshme, edhe kur bën ftohtë, edhe kur “tretesh” nga vapa.
Artistë, qytetarë dhe mbështetës të Partisë Demokratike u mblodhën para Parlamentit, në protestën kundër prishjes së Teatrit Kombëtar, duke i bërë thirrje deputetëve të mos e votojnë projektligjin që ka sjellë në Parlament qeveria Rama.
Protestuesit apeluan ndaj deputetëve, të mos e votojnë projektligjin. Në këtë “luftë” të hapur për mbrojtjen e Teatrit, protagonistët po luajnë në mënyrë perfekte rolet e tyre, e ndërsa ajo që të bie në sy, është bashkimi i të djathtëve në çdo kauzë. Të gjendur përpara trysnisë, ata kanë zgjedhur që të bëjnë sërish zhurmë, për t’u ndjerë se ata nuk kanë ndërmend që të ndalen.
Dashamir Shehi, Albana Vokshi dhe Jorida Tabaku, ishin zërat që përfaqësonin PD-në, duke iu bashkuar protestës në mbrojtje të Teatrit.
https://tiranatoday.com/video-pd-i-fut-hundet-edhe-te-teatri-i-bashkohet-artisteve-ne-luftojme-brenda-ju-ketu/
Por kjo protestë nuk po jep gjë tjetër veçse sinjalizimet se është politizuar në mënyrë të skajshme, sidomos me praninë e Lulzim Bashës ditën e djeshme në protestën e artistëve.
https://tiranatoday.com/basha-rames-terhiqu-per-teatrin-me-meten-kam-dy-fjale/
PD i bën thirrje në mënyrë të vazhdueshme PS-së, që të mos votojnë pr/ligjin për Teatrin. E si për t’i vënë vulën përfundimtare, ata e justifikojnë me faktin se Shqipëria është kthyer në simbol të krimit dhe drogës. “Ekzekutimi i Teatrit” po sjell çdo të enjte shfaqje të dështuara, ku secila palë lufton për të arritur objektivat e saj, e ndërsa artistët në një fare mënyre i kanë vënë në lojë.
https://tiranatoday.com/ahmetaj-i-kundervihet-protestuesve-pse-beni-zhurme-do-dilni-te-perfituar-nga-teatri/
E nëse ata duhet të ishin zëri kumbues i një çështje kaq jetike për artin në vend, ata po kthehen në kukulla të partive. Gjuha e rrugës e cila gjen terren në Kuvend do u mbyllë derën artistëve, duke u treguar se Godina e Teatrit nuk është pjesë e historisë.
