Dy shtetas shqiptarë janë arrestuar mbrëmjen e djeshme në Francë dhe tashmë janë në paraburgim. Ata kanë qëlluar me armë zjarri, por fatmirësisht nuk ka pasur të lënduar, ka thanç një burim policor për median franceze Dauphiné Libéré.
Sipas informacioneve, oficerët e policisë që kujdesen për rendin dhe sigurinë publike po bënin një kontroll në Rrugën e Stalingradit pak para orës 11:00, të mbrëmjes së djeshme ku dëgjuan të shtëna me armë dhe të bërtitura në rrugën Eugène-Sue.
Policia kishte pikasur 4 burra të cilët po ecnin në këmbë në mes të njerëzve pasi kishin qëlluar me armë. Policia u përpoq të sfidojë katër burrat ndërsa ata hipën në një automjet, dhe nga dera e mjeti hodhën në tokë pistoletën.
Oficerët e policisë kishin ndjekur veturën për disa kilometra, ndërsa mjeti ishte ndaluar pasi ishte përplasur me disa makina të tjera të parkuara.
Dy prej të dyshuarve u arrestuan, dy të tjerët arritën të iknin në këmbë. Të dy shqiptarët, 18 dhe 28 vjeç, janë duke u marrë në pyetje për të folur për rastin në fjalë./Përshtati: Tirana Today/
