Të shtëna me armë zjarri janë regjistruar pasditen e sotme në zyrën elektorale të Partisë Demokratike në Kavajë, ku për pasojë ka mbetur i plagosur në këmbë një person.
Burime nga spitali i qytetit bëjnë me dije se i plagosuri Gledi Oshtuni, 25 vjeç ndodhet jashtë rrezikut për jetën.
Në vendngjarje ka shkuar edhe kandidatja për deputete e PD-së, në këtë qytet, Grida Duma.
Policia ka mbërritur në vendngjarje, ndërsa ende nuk dihen rrethanat e ngjarjes që vjen pak ditë para procesit zgjedhor.
