Një person ende i paidentifikuar ka qëlluar me armë zjarri mbrëmjen e djeshme në Kamzë. Uniformat blu bëjnë me dije se autori ka qëlluar me armë zjarri, teksa po lëvizte me motor. Një person i cili ka qenë i ulur në pjesën e pasme të një motori, ka qëlluar me armë zjarri në drejtim të automjeteve të parkuara.
Dy automjete kanë pësuar dëme materiale, dhe fatmirësisht nga të shtënat nuk ka patur të lënduar. Policia dhe grupi hetimor po punojnë për zbardhjen e plotë të ngjarjes dhe identifikimin e autorit.
Njoftimi i Policisë
Kamzë/Informacion paraprak
Në Kamzë, Tiranë, një shtetas ende i paidentifikuar, duke lëvizur me një motomjet, ka qëlluar me armë zjarri.
Nga të shtënat me armë zjarri nuk ka persona të dëmtuar.
Shërbimet e Policisë janë vënë në ndjekje të autorit të dyshuar. Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorit/ëve.
