Kryeministri Rama ka gjetur sërish kohë të replikojë me qytetarët. Një nga komentuesit i kujton Ramës Rrugën e Arbrit, ndërsa Rama ia kthen se kontrata është në finalizimin e saj.
Një tjetër qytetar i shkruan me ironi se duhet parë se sa do punojë PS-ja gjatë mandatit të ardhshëm, ndërsa kryeministri i thotë se duhet të fitojë një mandat të plotë, më pas mund të gjykohet për të gjitha.
Bashkëqeverisja me LSI-në duket se ka sjellë pakënaqësi të mëdha nga të dyja palët. Rama po i mëshon shumë asaj që quan “qeverisje me një timon”, ndërsa mes LSI-së dhe PS-së duket se po zhvillohet një betejë e ashpër teksa akuzat ndaj njëra-tjetrës janë të përditshme, pavarësisht bashkëqeverisjes.
