Kreu i qeverisë është nisur për në Vlorë, pas tentativave të dështuara me studentët e Tiranës.
Rama pritet që të diskutojë me studentët e Universitetit “Ismail Qemali” në Vlorë, ndryshe nga ata të Tiranës të cilët nuk pranojnë dialog.
Prej dy ditësh, kreu i qeverisë ka nisur atë që ai e quan dialog me studentët, ndërkohë që shumica prej tyre nuk pranojnë diskutim me kryeministrin, por kërkojnë vetëm plotësimin e 8 pikave.
Një ditë më parë, një situatë e tensionuar u krijua mes tij dhe studentëve të Universitetit Bujqësor të Tiranës, pasi ata nuk ishin lajmëruar nga Rektori i Universitetit.
