Kreu i Kuvendit të Kosovës ka shkaktuar të qeshura në sallën e Kuvendit, teksa ka bërë një lapsus gjatë fjalimit të tij në seancën solemne për nder të 10-vjetorit të pavarësisë së Kosovës.
Fillimisht, Veseli në fjalimin e tij hyrës përshëndeti mysafirët special, por kur erdhi radha e kryeministrit të Shqipërisë, Edi Rama, Veseli iu drejtua: “I nderuari kryeministër i Republikës së Kosovës, Edi Rama”.
Ky ngatërrim shkaktoi reagime dhe të qeshura në sallë, ndërsa Veseli u justifikua menjëherë teksa tha se do të mundohet t’i përmend të gjithë edhe me gabime edhe pa gabime.
