Kryeministrja më e re e Finlandës, Sana Marin shpreson që propozimi i saj për të ulur orët e punës për shtetasit e saj të bëhet realitet.
Marin e ka bërë këtë propozim që në kohën kur ishte ministre e Transportit. Ajo kërkoi që njerëzit të mos punojnë më 8 orë, por 6 orë në ditë dhe vetëm 4 ditë në javë.
“Pse të mos jetë ky hapi i radhës? A është tetë-orarëshi e vërteta përfundimtare? Besoj se njerëzit meritojnë të shpenzojnë më shumë kohë me familjen si dhe të merren me të tjera aspekte të jetës, si kultura”, tha ajo në gusht të vitit 2019.
Deri më tani orari në Finlandë është 8 orë dhe punohet 5 ditë në javë. Me ardhjen e Sana Marin në krye të qeverisë duket se ky propozim mund të vihet në zbatim shumë shpejt.
