Debati i madh mes portierit Kepa dhe trajnerit Sarri të Chelseas në finalen kundër Manchester City në Carabao Cup mori vëmendjen e të gjithë botës.
Ky episod sjell në vëmendje një rast të katër viteve më parë. Në Turqi, Rizespor luante përballë Gençlebirgilit në transfertë. Vendasit udhëhqinin 2-1 kur Rizespori fitoi një penallti. Trajneri zgjedh lojtari që do të gjuante por topin ia rrëmben nga dora Leonard Kweuke. Ai injoron të gjitha thirrjet dhe vendos ta gjuajë. Topi përfundon në rrjetë dhe shpërthen ndaj trajnerit gjatë festimit.
https://twitter.com/EndaStoryFM/status/1100516911362834433
Sulmuesi gjuan dhe shënon, më pas feston egërsisht duke shpërthyer në të shara ndaj trajnerit të tij, teksa në një moment kërkon të vërsulet drejt tij, por e ndal shoku i skuadrës.
“Qershia mbi tortë” vjen në fund teksa Kwueke, i njohur gjerësish si kushëriri i Samuel Eto’o-s shënon golin e përmbysjes së madhe me një lëvizje fantastike. Festa shpërthen me tifozët e tij, e më pas nuk mungojnë as lotët nga sulmuesi “mistrec”.
