Moderatorja Dasara Karaiskaj, ashtu sikundër dhe çdo personazh tjetër i ekranit, i është dashur të përballet me situata të ndryshme. Ajo shquhet për shpirtin luftarak dhe përcjelljen e së vërtetës. Por duket se jo çdo gjë është e lehtë.
Dasara ka dhënë një intervistë së fundmi për gazetarin Ronaldo Sharka, në “Ora News” për “Mes Yjesh”.
Ronaldo e ka pyetur Dasarën nëse ka pasur kërcënime, pasi e thotë mendimin e lirë publikisht, pa censurë.
“Makinat i gjej herë pas here të gërvishtura, por kjo është s’ke ç’i bën gomarit, i bie samarit. Ndodh ndonjëherë që i gjej makinat të gërvishtura, por jam edhe pak e pakujdesshme. I parkoj keq dhe ndoshta prandaj ka ndodhur. Por jo, jo, asnjëherë nuk kam pasur kërcënime”, u shpreh Dasara.
