Familja Jana jeton në kushte ekstreme të varfërisë. Ata janë vendosur në Kënetë të Durrësit, në një shtëpi, e cila vetëm e tillë nuk mund të quhet, por që në të rriten 3 vajzat Marisoli, Brisilda, Sara, vëllai i tyre Aleksi, bashkë me prindërit dhe gjyshen e tyre. Kjo histori prekëse është transmetuar edhe në emisionin e televizionit Klan, “Jo vetëm Modë”, të Floriana Garos.
Të ëmës, Zhanetës, përveç vështirësisë në rritjen e fëmijëve dhe kujdesit ndaj gjyshes së tyre, i shtohet edhe mungesa e kushteve të banimit.
Edhe pse familja Jana u zhvendos nga një barakë për në një banesë tjetër, të ndërtuar prej tyre, jetesa në të është e pamundur.
Ky është një nga rastet e shumta të evidentuara nga “Fundjavë Ndryshe” e cila ka apeluar edhe për ndërtimin e plotë të shtëpisë.
[ngg_images source=”galleries” container_ids=”113″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”DESC” returns=”included” maximum_entity_count=”500″]Këtë barrë të rëndë kanë mundur ta sfidojnë edhe tre vajzat e Zhanetës bashkë me vëllanë Aleksin dhe gjyshen e tyre. Ato tregojnë se dimri ka qenë i shumë i vështirë për to. Ndërsa kur kanë qenë në gjendje jo të mirë shëndetësore, e kanë kapërcyer me kushtet e tyre pa mundur të shkojnë në spital apo të blejnë ilaçe.
“Ishte dimër kur jemi zhvendosur këtu. Dhe kemi pasur probleme që nuk kemi pasur mundësi për të shkuar spital kur ndonjëri prej nesh sëmurej apo kur nuk kishim mundësi për të blerë ilaçe”, shprehet më e madhja e vajzave, Marisoli.
Por, nga ana tjetër është frymëzuese të dëgjosh se si Marisoli, Brisilda dhe Sara, përpos varfërisë dhe barrës së rëndë të përditshme, i janë përkushtuar maksimalisht mësimeve në shkollë, të cilën e shohin si mënyrën e vetme për të dalë nga varfëria.
E ëma tyre Zhaneta, me anë të ndihmës së “Fundjavë Ndryshe” punon në një fabrikë këpucësh. Ndërsa bashkëshorti i saj mundohet të punojë ç’të mundet.
“Më parë kemi jetuar në një barake. Ndërsa u zhvendosëm këtu, pasi nuk kishim ku të shkonim tjetër. Në dimër e kam zënë me batanije dritaren kur bënte ftohtë dhe më pas me plastmasë”, shprehet e ëma e katër fëmijëve, Zhaneta.
Falë Fundjavës Ndryshe, Zhaneta ka filluar punë në një fabrikë këpucësh “Punoj 8 orë dhe ndonjëherë me orë të zgjatur. Me pagesën që marr paguaj kredinë, pastaj çfarë mbetet marr ndonjë thes miell që të mos i lë pa bukë fare”
Ndërsa drejtuesi i nismës “Fundjavë Ndryshe” Arbër Hajdari thekson se “Kjo familje duhet ndihmuar pasi fëmijët e përjetojnë më shumë varfërinë. Ne do të bëjmë çmos që vajzat të shkojnë në kurse pa pagesë për edukimin e mëtejshëm të tyre”
