Një bandë që merrej me shpërndarjen e kokainës, kishte mbërthyer duke bërë të mundur zotërimin e gjithë tregut të Parmës në Itali. Ky është përshkrimi që i bëhet një bandës së trafikantëve shqiptarë të drejtuar nga një 41-vjeçar me inicialet K.A, shkruan repubblica.it.
Pas, hetimeve nga ana e autoritete italianë është bërë e mundur arrestimi i 4 shqiptarëve të cilët u kishin shpallur sfidë të hapur trafikantëve vendas.
Anëtarët e bandës të cilët ishin të punësuar i sillnin me vizë turistike nga. Shqiptari me inicialet K.A, i njohur si koka e grupit siguronte kushtet që ata të vinin, punonin tre muaj dhe ktheheshin në Shqipëri, për t’u zëvendësuar nga të tjerë të rinj. Në aksionin e fundit karabinierët vunë në pranga tre të rinj, 22,21 dhe një 20 vjeçar.
Nga të dhënat bëhet e ditur se të rinjtë ishin të punësuar si korrierë të cilët shisnin kokainën me 80 euro grami, një çmim shumë i lartë, jo vetëm për shkak të cilësisë, por edhe reputacionit të mirë që kishte kapoja K.A. Nga nëntori 2016 deri në mars 2017, biznesi pati shumë fitime me një xhiro mbi 166 mijë euro.
Shtetasi K.A. menaxhoi biznesin në një mënyrë të rreptë. Nëse dikush tentonte të negocionte çmimin, ata ndëshkoheshin keq. “Për mua ata do të kthehen në Shqipëri e do të hanë pleh, sepse ata nuk kanë më besimin tim” – dëgjohet në një nga përgjimet e bëra nga policia.
Ndërkohë që të ardhurat e veprimtarisë kriminale përfundonin direkt në Shqipëri, të transferuara për shembull nëpërmjet agjencive të transferimit të parave, një pjesë e parave u përdorën nga K.A. për ndërtimin e vilës së tij.
Katër të arrestuarit do të duhet të përgjigjen për trafikimin e drogës. Gjatë operacionit, 150 gram marijuanë dhe 120 të kokainës u konfiskuan. Hetimet vazhdojnë të identifikojnë kanalet e furnizimit. TIRANA TODAY
