Parashikuesja bullgare Baba Vanga, e cila vdiq në vitin 1996, në moshën 85 vjeçare dhe që njihej si “Nostradamusi i Ballkanit”, e parashikoi Brexitin, dekada përpara se të ndodhte.
Tani thuhet se Vanga, e cila kishte një normë suksesi prej 85 % kur bëhej fjalë për parashikime, ka thënë se Putin dhe Rusia do të dominojnë botën.
Në vitin 1979, gjatë një takimi me shkrimtarin Valentin Sidorov, Vanga tha: “Të gjithë do të shkrihen, si akulli, vetëm një të mbetet i paprekur, lavdia e Vladimirit dhe lavdia e Rusisë. Askush nuk do mund ta ndalë Rusinë. Të gjithë do të largohen prej saj dhe ajo, jo vetëm se do të mbetet por edhe do të bëhet zot i botës.”
Britania aktualisht është e përfshirë në një luftë të hidhur me Kremlinin, pas helmimit të ish-spiunit rus Sergei Skripal dhe vajzës së tij Julia, në Salisbury.
Politikanët e Moskës paralajmëruan Britaninë për të qenë të kujdesshëm ndaj kërcënimit të një kombi bërthamor të fuqishëm, raporton Mail Birmingham.
Sipas Baba, Evropa do të “pushojë së ekzistuari” deri në fund të vitit.
Çuditërisht, mistikja e verbër pretendon se kontinenti do të jetë “pothuajse i zbrazët” dhe do të shndërrohet në “djerrinë pothuajse të lirë nga çdo formë jete”.
Besimtarët e Baba janë gjithashtu të shqetësuar se prishja aktuale e marrëdhënieve mund të shkaktojë një luftë bërthamore në Evropë.
Para vdekjes së saj, ajo parashikoi gjithashtu se do të kishte një “luftë të madhe myslimane”, e cila kohët e fundit ka qenë e lidhur me kërcënimin në rritje të Shtetit Islamik.
Baba parashikoi një pushtim të Europës në vitin 2016 nga ekstremistët myslimanë, një konflikt që ajo parashikoi të fillonte me Pranverën Arabe në vitin 2010.
Ajo më pas paralajmëroi për një konfrontim në Siri ku “myslimanët do të përdorin armë kimike kundër evropianëve”. TIRANA TODAY
