Policia e Shtetit vijon të publikojë emrat e personave më të rrezikshëm dhe të shumëkërkuar në çdo qark, teksa këtë herë kë listuar 22 emra të këtij kontigjenti, në qarkun e Korçës.
Në publikimin në rrjetet sociale, Policia e Shtetit ka publikuar emrat, moshën, fotot dhe veprat penale të të shumëkërkuarve, ndërsa ka ftuar qytetarët të raportojnë mbi vendndodhjen e tyre.
Mbi të shumëkërkuarit rëndojnë dënime me burg nga 5 vite, deri në 25 vite, ndërsa veprat penale janë të ndryshme si vrasje, grabitje me dhunë, abuzim seksual, etj.
“Policia e Shtetit fton cilindo që ka dijeni mbi vendndodhjen e tyre të telefonojë Policinë në numrin pa pagesë 112, duke ju garantuar anonimatin. Ndihmo dhe ti në sigurinë publike”,- është apeli policisë.
Ndërsa gjatë javës policia publikoi listat e personave më të kërkuar në Berat, Gjirokastër, Fier dhe Vlorë dhe Dibër./TIRANA TODAY/
