Partia Demokratike ka depozituar një kallëzim penal ndaj kryeministri Edi Rama, ministres së Arsimit Lindita Nikollës si dhe ministres së Shëndetësisë Ogerta Manastirliu. Padia vjen pasi opozita ditët e fundit nëpërmjet deputetëve te saj akuzon dy ministritë se për arsye elektorale, por përpiqen të marrin në mënyrë të paligjshme të dhënat personale të qytetarëve.
Ditën e shtunë selia blu në një deklaratë për mediat tha se ka siguruar dhe një e-mail ku ministria e Shëndetësisë urdhëron mjekët të regjistrojnë krahas gjendjes shëndetësore edhe të dhëna e pacientëve si: numrin e kartës së identitetit, atë të celularit dhe e-mailin.
Ndërsa akuzat ndaj ministrisë së Arsimit, pasi kjo e fundit ka shpërndarë një formular nëpër shkolla ku ju kërkohet nxënësve të dhënat personale të prindërve brenda ditës së premte. Por në reagim ndaj kësaj akuze ministria e Arsimit tha se nisma synonte ndërtimin e rrjetit të komunikimit në kohë reale mes prindërve dhe mësuesve
