Dy shqiptarë janë arratisur nga burgu i Kasandrës në Greqi. Përkatësisht të moshës 31 dhe 33 vjeç, ndërsa ishin të dënuar me burgim të përjetë.
Mësohet se dy të burgosurit shqiptarë, identitetet e të cilëve nuk dihen ende, nuk janë paraqitur në mëngjesin e së hënës në numërimin e zakonshëm në këtë burg.
Mungesa e tyre u vu re fillimisht nga administrata e burgut, e cila më pas njoftoi menjëherë policinë greke.
Kontrollet kanë nisur në të gjithë vendin për gjetjen e dy të arratisurve shqiptarë dhe janë njoftuar dogana e aeroporte për të mos lejuar largimin e tyre jashtë vendit.
