Nga: Marsela Sinani/Duket se gjobat janë matësit më të mirë të frikës ndaj tregtarëve, pasi vetëm në këtë formë ata nuk mund të shkelin mbi qytetarët, e duke vjedhur haptazi djersën e tyre.
Blerja e produkteve në dyqane, apo tregje të hapura ka kostot e saj, por në buxhetin e një familje rëndon edhe blerja e qeseve. Ndonëse në pamje të parë të duken çmime të papërfillshme, kur bëhen llogaritë në fund të muajit, e kupton se të kanë ikur një dorë e mirë lekësh, të cilat mund ti shpenzoje për bukën e gojës.
https://tiranatoday.com/trastat-ose-gjobe-keto-halle-a-na-i-zgjidh-qesja/
Qytetarët e kanë parë të udhës për momentin që të ngrenë zërin kur intervistohen, duke shprehur të gjithë mllefin e akumuluar. Ndonëse për qeset ka një çmim të caktuar, tregtarët kanë filluar që të abuzojnë ‘sy më sy’, duke ua hedhur lehtësisht qytetarëve, të cilët nuk e kanë luksin të qëndrojnë e të bëjnë llogari, kur ata kthehen nga puna, apo kur ‘mbyllin një sy’, se 5 lek po u ikën nga duart.
“Tirana Today” e ka ndjekur me mjaft prioritet këtë çështje, nga ku ka vënë re se çmimet kanë pësuar ‘tronditje’ kohët e fundit, e ndërsa tregtarët janë bërë mjeshtër për çmimet e qeseve.
Eksperti i riciklimit, Enriko Ceko, në një prononcim për “Tirana Today”, i mëshoi fort faktit se shteti po mbush arkën, dhe se sistemi ka dështuar. Për të, çështja e gjobave është pjesë e sistemit të vjeljes së parave, për të mbushur buxhetin e shtetit dhe njëkohësisht për të dhënë një mësim.
https://tiranatoday.com/gjobat-per-qeset-plastikeeksperti-i-riciklimit-shteti-po-mbush-arken-sistemi-ka-deshtuar/
Kur 35 % e shqiptarëve janë në nivel të lartë varfërie, si vallë mund të paguajnë këtë nivel të lartë taksash?!, është pyetja të cilën parashtroi eksperti i riciklimit.
Tregtarët po përdorin edhe ligjet, ku qeset plastike i shesin në çmime të ndryshme. Jo vetëm kaq, por edhe qeset një përdorimesh vijojnë të tregtohen.
