Dyshimet e para të vrasjes së biznesmenit në Shkodër, lidhet me ngatërrimin e objektivit. Deri më tani janë shoqëruar në polici 10 persona. Burime ende jo zyrtare thonë se Arjan Ferracaku ka qenë i shoqëruar nga dy persona në çastin që është ekzekutuar.
https://tiranatoday.com/ndryshon-rrjedha-e-ngjarjes-dyshohet-se-biznesmeni-ne-shkoder-u-vra-gabimisht-objektiv-ishte-nje-tjeter-person/
Burime për “Faxnews” zbulojnë se bashkë me të në momentin e ngjarjes kanë qenë dy persona, miku i ngushtë dhe djali i xhaxhait, ndaj të cilëve është qëlluar gjithashtu me breshëri automatiku.
Fatmirësisht ata ia kanë hedhur paq. Po kështu, ata të dy janë mbajtur thuajse 12 orë në komisariatin e Policisë Shkodër, si dëshmitarë kyç, ku kanë rrëfyer para grupit hetimor se kishin dalë për kalërim. Aty kishin lënë takim me dy miq të tyre, të cilët gjithashtu janë të pasionuar pas hipizmit.
Sapo kanë mbërritur në zonë, nga prapa shkurreve janë dëgjuar breshëri automatiku dhe kuajt janë trembur, duke i rrëzuar në tokë të tre ata. Të zënë nga paniku dhe frika, kanë vrapuar për t’u larguar, duke hyrë në kanale dhe më pas në shtigje, duke shkuar tek shtëpitë që i kanë në zonën teknike, zonë e afërt me Livadhet. Ata kanë menduar se të njëjtën gjë ka bërë dhe 30-vjeçari Arjan Ferracaku.
