U quajt zyrtar, por duket se për transferimin e Kristal Abazajt tek Skënderbeu nuk është firmosur asgjë deri tani. Fakti që asnjë nga klubet nuk e ka bërë zyrtar deri më tani këtë kalim të bujshëm, gjithçka është shoqëruar me dritëhije. Mirëpo, deklarata e vetë Abazajt gjatë ditës së sotme duket sikur i vuri vulën faktit që ai ka firmosur me korçarët. Gjithsesi, nuk është kështu sipas presidentit të Luftëtarit, Grigor Tavo, i cili për “Panorama Sport”, deklaroi:
“Nuk kemi asnjë marrëveshje me Skënderbeun. Bregu dhe Abazaj do të jenë të Luftëtarit deri në qershor të vitit 2018. Më pas e di vetëm Zoti i madh se çfarë do të sjelli për këta lojtarë ose më saktë se ku do t’i shesim. Pavarësisht se çfarë flitet, nuk ka asgjë zyrtare”.
