Gjykatës Administrative i janë drejtuar 76 kompani VIP gjatë këtij viti për të kontestuar gjobat e kripura të vendosura nga administrata tatimore apo vlerësimet e saj mbi xhirot dhe vlerën e taksave që duhet të paguajnë.
Mes paditësve bien në sy disa prej kompanive me mjaft peshë në jetën ekonomike të vendit.
Ato i kërkojnë Gjykatës shfuqizimin e gjobave të kripura prej miliona lekëve, apo rimbursimin e detyrimeve të vjelura pa të drejtë nga tatimet.
Një prej kompanive kërkon shfuqizimin e gjobave dhe kamatëvonesave të cilat në total arrijnë 9 milionë lekë, ndërkohë që një tjetër kërkon rimbursimin e tatimit ne burim ne shumen 16.5 milionë lekë, afërsisht 150 mijë dollar, shkruan Scan.
Gjysma e parë e vitit 2017 ka shënuar një bum padish nga bizneset kundër administratës tatimore.
Një raport zyrtar i Drejtorisë së Përgjithshme të Tatimeve thotë se aktualisht ka arritur në 426 numri i bizneseve që kanë paditur administratën tatimore për vlerësime, gjoba apo kamatëvonesa të padrejta.
