Drejtoria e Përgjithshme e Tatimeve ka dhënë informacion në lidhje me aksionin prej 11 javësh kundër informalitetit. Ndërsa nuk kanë munguar informacionet javë pas jave në lidhje me këtë përpjekur për të luftuar informalitetin dhe veprimet antiligjore të subjekteve dhe bizneseve.
Informacione e publikuara lidhen me të dhënat e shlyerjes së detyrimeve të prapambetura, ecuritë e procesit të faljes , rezultateve të kontrolleve të bizneseve. Nga të të dhënat e këtij institucioni, thuhet se ka vijuar procesi i fshirjes automatike i detyrimeve për periudhën para viteve 2010 dhe në lidhje me kompensimin me kredi në lidhje me periudhën para vitit 2010 dhe atë të periudhës 2011-2014.
Si rezultat i këtij procesi shuma e detyrimit të falur ka arritur në 18.4 mld lekë (rreth 135 milionë euro) dhe përdorimi i kredisë për shlyerjen e detyrimeve në nivel principali është në vlerën 1.86 mld lekë. Gati 30 mijë tatimpagues kanë përfituar dhe ky proces vijon ende deri në fund të vitit.
Ka vijuar sensibilizimi për të mundësuar mbledhjen e detyrimeve të prapambetura, ku gjatë kësaj periudhe numri i subjekteve që kanë reaguar pozitivisht është 3,193 dhe vlera është 2.6 mld lekë.
Mbyllen 557 subjekte me shkelje
Kontrollet janë shtrirë edhe në terren, ndërsa janë verifikuar verifikuar 26,618 subjekte ku 20% e tyre kanë rezultuar me shkelje dhe janë penalizuar.
Janë futur në skemën e sigurimeve gjatë 11 javëve të para të aksionit 1003 punonjës që janë konstatuar të padeklaruar dhe janë mbyllura 557 subjekte të paregjistruar në organet tatimore dhe për shkelje të tjera në lidhje të mos lëshimit të kuponit tatimor.
Janë regjistruar 5254 subjekte të reja.
Për 11 javët e para të fushatës është mundësuar përfundimi i 16,739 kontrolleve (kontrolleve nga zyra, vizita fiskale apo verifikime në terren). 1,567 subjekte kanë ndryshuar përgjegjësinë tatimore.Kontrollet nga zyra përbejnë 69% të totalit.
Tatimet njoftuan edhe se Shërbimi i tatimpaguesit ka asistuar ballë për ballë 66,647 tatimpagues. 11,586 është numri i tatimpaguesve të kontaktuar për ligjin e faljeve.Mbi 30 mijë tatimpagues janë kontaktuar për të nxitur vetëkorrigjimin. Janë organizuar 86 takime me komunitetin e biznesit në territor.
Qëndra e thirrjeve ka vijuar të ofrojë shërbimet në numrin e vënë në dizpozicion për çdo problematikë dhe suport ndaj çdo tatimpaguesi duke asistuar rreth 17,487 telefonues si dhe përdorues të live chat. TIRANA TODAY.
