Tare fillon nga puna, dy afrime në një ditë për të kënaqur Inzaghin

Lazio ka bërë dy goditje në një ditë në merkato, për të kënaqur trajnerin Inzaghi. Pas largimit të Felipe Anderson, drejtori sportiv Igli Tare ka vazhduar punën për të mbushur hapësirën e krijuar nga ky largim.Tare tashmë ka marrë statusin e drejtorit sportiv më të suksesshëm në Serie A dhe dy lojtarët e transferuar pritet të jenë goditjet e radhës. Njëri është një lojtarë me shumë eksperiencë në kampionatin italian, ish-kapiteni i Fiorentinës, mesfushori kroat Milan Badelj. Këtë goditje Tare ka arritur ta marrë me parametra zero, pasi kontrata e tij me klubin “viola” kishte përfunduar.Joaquin Correa, është lojtari i dytë që do të zbarkojë në kryeqytetin italian. Tare arriti të mbyllë marrëveshjen më Sevillan, për transferimin e futbollistit argjentinas dhe do të paguajë  16 milionë euro. 24-vjeçari luan prej dy sezonesh në Andaluzi dhe në 47 takime, ka shënuar 5 gola. te ai, Tare dhe Inzaghi shikojnë zëvendësuesin ideal të Felippe Anderson, pasi Correa e njeh mirë Serinë A, ku ka luajtur me Sampdorian në sezonin 2015-2016.