Eurodeputetja sllovene, Tanja Fajon, njëkohësisht edhe raportuese për Kosovë për liberalizim të vizave në Parlamentin Evropian pret që qeveria të formohet sa më shpejtë, duke përmendur sfidat që ka përpara Kosova.
“Përveç forcimit të institucioneve dhe demokracisë dhe shtetit të së drejtës në përgjithësi, sfida të shumta janë përpara Kosovës në rrugën e saj të trazuar drejt BE-së,” shprehet Fajon.
Si raportuese për liberalizimin e vizave për Kosovën thekson se mundësimi i regjimit pa viza është me rëndësi të madhe.
“Qytetarët e Kosovës meritojnë të drejtën për të udhëtuar lirshëm dhe është absolutisht e turpshme që në vitin 2017 ata mund të udhëtojnë vetëm në disa vende të rajonit.”
Ajo i bënë thirrje autoriteteve të reja që të arrijnë një marrëveshje për ratifikimin e marrëveshjes së demarkacionit pa vonesa të mëtejshme, shkruan arbresh.info.
Gjëja tjetër e rëndësishme, në duart e qeverisë së ardhshme të Kosovës, sipas Fajon është dialogu për normalizimin e marrëdhënieve me Serbinë, pasi sipas saj pa një përparim në këtë fushë, pothuajse asnjë përparim i vërtetë në fusha të tjera nuk është i mundur.
