Talenti shqiptar bind Heynckesin, Bayerni i zgjat kontratën

Talenti shqiptar nga Kosova, Meritan Shabani është duke kaluar një moment mjaft të mirë në karrierën e tij, pasi është pjesë e ekipit të Bayern Munich. 19-vjeçari prej kohësh grumbullohet me ekipin e parë, që nga koha e Pep Guardiolës e deri te Carlo Ancheloti. Së fundmi me Jupp Heynckes regjistroi edhe ndeshjen e parë zyrtare kundër Frankfurt në ‘Bundesligë’.Shabani ditën e sotme ka rinovuar kontratën me klubin bavarez dhe pritet që të ketë më shumë minuta në këmbët e tij duke parë dëmtimet e shumta që ka në ekip Heynckes. Kontrata që kishte Shabani me Bayernin skadonte në 2019, por paraqitjet e mira kenë bërë që ata ti shtyjnë edhe për një vit kontratën për të parë progresin që do të ketë futbollisti. Shabani ende nuk e ka zgjedhur se kë kombëtare do të përfaqësojë, por sinjalet janë të qarta pasi ai ka qenë pjesë e ekipit U-18 të Gjermanisë.