Një udhëheqës taleban ka njoftuar se muzika do të ndalohet në Afganistan, dhe grave do t’u kërkohet të udhëtojnë me një ‘udhëheqës’ mashkull në udhëtimet që zgjasin disa ditë, edhe pse ai premton se talebanët do të jenë më liberalë sesa ishin 20 vjet më parë.
Në një intervistë për “New York Times”, zëdhënësi i talebanëve Zabihullah Mujahid tha se ndërsa gratë përfundimisht do të lejohen të kthehen në punë dhe të shkojnë në udhëtime në shkollë dhe spitale, ata do të kenë nevojë për një udhëheqës mashkull për udhëtime që zgjasin disa ditë.
“Muzika është e ndaluar në Islam, por ne shpresojmë se ne mund t’i bindim njerëzit të mos bëjnë gjëra të tilla, në vend që t’i bëjnë presion”, tha Mujahid.
Megjithatë, shtoi ai, gjërat do të jenë ndryshe nën këtë sundim taleban, se sa regjimi i mëparshëm.
“Ne duam të ndërtojmë të ardhmen dhe të harrojmë atë që ndodhi në të kaluarën”, tha ai, duke hedhur poshtë raportet se talebanët tashmë janë duke marrë hak ndaj atyre që i kundërshtuan dhe po përpiqen të rivendosin kufizimet e ashpra ndaj grave që i bënë të famshme kur filluan të marin kontrollin në 1996.
Gjatë kohës së tyre të mëparshme në pushtet, gratë afgane mund të dilnin nga shtëpia vetëm me burka – një mbulesë pa formë që mbulon kokën dhe tërë trupin, me vetëm një rrjetë prej pëlhure për të parë.
Ai tha gjithashtu se ata me dokumentet e duhura të udhëtimit, do të jenë në gjendje të largohen nga vendi dhe se regjimi i tij nuk do të gjejë ish-përkthyes dhe të tjerë që kanë punuar me ushtrinë amerikane gjatë viteve, por shprehu zhgënjimin për përpjekjet amerikane të evakuimit.
“Ata nuk duhet të ndërhyjnë në vendin tonë dhe të nxjerrin burimet tona njerëzore: mjekët, profesorët dhe njerëzit e tjerë që na duhen këtu”, tha Mujahid. Në Amerikë, ata mund të bëhen pjatalarës ose kuzhinier. Eshtë çnjerëzore”.
Por, tha ai, është ende me shpresë se talebanët mund të ndërtojnë marrëdhënie të mira me bashkësinë ndërkombëtare, duke thënë se ata tashmë kanë bashkëpunuar me udhëheqësit ndërkombëtarë për çështje si antiterrorizmi, çrrënjosja e opiumit dhe reduktimi i refugjatëve në Perëndim.
Vërejtjet e Mujahid vijnë një ditë pasi ai njoftoi në një konferencë për shtyp se gratë duhet të qëndrojnë brenda, ‘derisa të kemi një procedurë të re’ në vend, ndërsa talebanët trajnojnë forcat e tyre që të mos ngacmojnë gratë.
“Ne jemi të shqetësuar se forcat tona, të cilat janë të reja dhe nuk janë trajnuar ende shumë mirë, mund të keqtrajtojnë gratë”, tha ai. “Ne nuk duam që forcat tona, Zoti na ruajt, të dëmtojnë ose ngacmojnë gratë”.
Ndërkohë, pagat e grave do të paguhen në shtëpitë e tyre, duke i bërë jehonë asaj që Ahmadullah Waseq, zëvendës i komitetit të çështjeve kulturore të talebanëve, i tha ‘Times’: se talebanët nuk kanë “probleme me gratë që punojnë”, për sa kohë që ato veshin hixhabet.
Burimi i lajmit: Dailymail. Përshtatur nga Tirana
