Përfaqësuesja e lartë e BE-së, Federica Mogherini ka reaguar pas miratimit të taksës 100% vendosur nga Kosova për mallrat e Serbisë dhe Bosnje e Hercegovinës. Në një deklaratë shpërndarë në Twitter, Mogherini shkruan se ky vendim është dhunim i pastër i marrëveshjes për tregti të lirë, ndërsa jep ultimatumin për anulimin e menjëhershëm të saj.
Reagimi i plotë i Mogherinit:
Vendimi i sotëm i Qeverisë së Kosovës për rritjen e taksës së mallrave nga Serbia dhe Bosnja e Hercegovina në 100%, është një dhunim i pastër i Marrëveshjes së Tregtisë së Lirë të Evropës Qendrore (CEFTA) dhe e frymës së Marrëveshjes së Stabilizim Asociimit ndërmjet Bashkimit Evropian dhe Kosovës. Më tej, përkeqëson situatën pas imponimit fillestar të rritjes së taksave prej 10% javën e kaluar. Qeveria e Kosovës duhet t’i anulojë menjëherë këto vendime!/ TIRANA TODAY
