Pas reagimeve të shumta për taksën doganore të vendosur nga shteti i Kosovës, ka reaguar kryeministri Ramush Haradinaj. Ky i fundit ka thënë se pas vendosjes së taksës prej 10 për qind për produktet e Serbisë dhe Bosnjë dhe Hercegovinës, mund të vendosen masa edhe më të ashpra ekonomike.
Në një intervistë për Klan Kosova, Haradinaj tha se masa prej 10 për qind për produktet serbe mund të rritet “nëse nuk disiplinohet Serbia”.
“Nuk besoj që kjo do të ndikojë tek konsumatorët. Ta kemi të qartë, këtë veprim nuk e kemi bërë prej qejfit, por ne punojmë për interesat tona si Kosova. Mund të rritet kjo masë dhe mund të merrem masa edhe më të ashpra, nëse BE-ja nuk është në gjendje me disiplinu Serbinë që të mos kërcënojë”, ka deklaruar Haradinaj.
