Kryeministri serb Aleksandar Vuçiç u takua në Pekin me Presidentin e Turqisë Rexhep Tajip Erdogan për të diskutuar rreth bashkëpunimit ekonomik ndërmjet dy vendeve dhe situatën në rajon.
Vuçiç shprehu kënaqësi për interesin në rritje të investitorëve turq, si dhe zgjerimin e kapaciteteve ekzistuese të kompanive që tashmë po bëjnë biznes në Serbi, raporton Tanjug.
Nga ana tjetër, Erdogan ka deklaruar se Serbia është një faktor kyç për stabilitetin në rajon.
“Serbia është shumë e rëndësishme për stabilitetin në Ballkanin Perëndimor. Edhe pse nuk ndajmë kufijtë bashkë, ne e konsiderojmë Serbinë si një fqinj”, deklaroi Erdogan.
Ai gjithashtu falënderoi kryeministrin serb, Aleksander Vuçiç për bashkëpunimin që ka me kompanitë Turke në Serbi dhe të punohet më shumë në projektet e përbashkëta siç janë: aeroporti Lladjevci dhe autostradën Tutin – Novi Pazar – Sjenic.
