Kryeministri Edi Rama dhe Sekretari Amerikan i Shtetit, Antony Blinken kanë zhvilluar një takim në Bruksel ditën e sotme.
Fryt i këtij takimi ishte marrëveshja për teknologjinë 5G. Në fjalën e tij, Blinken u shpreh se marrëveshja për teknologjinë 5G është edhe një mesazh për të tjerët.
Blinken:“Faleminderit shumë që jeni këtu. Faleminderit për punën që kemi bërë së bashku. Po vendosni një shembull të fortë për të tjerët sot për nevojën për të siguruar se kur bëhet fjalë për rrjetet më të ndjeshme të teknologjisë që kemi ne të punojmë me shitës të besuar.
Kjo është e rëndësishme dhe një mesazh për ti dërguar të tjerëve. Ajo që është më e rëndësishme jemi mirënjohës për punën që SHBA dhe Shqipëria kanë bërë së bashku në shumë fusha të ndryshme përfshi edhe stërvitjen Defender21.
Presim që të merrni vendin tuaj në Këshillin e Sigurimit. Kemi shumë punë për të bërë edhe atje dhe ky partneritet po behët më i fortë dhe më i thellë dhe ne e vlerësojmë shumë lidershipin tuaj”.
Rama: “Për mua dhe ne në Shqipëri është një moment shumë i rëndësishëm sepse, sicc e dini kemi marrë nismë prej disa vitesh dhe i kemi kërkuar dhe vendeve të tjera në rajon që të gjithë së bashku të bëjmë përpjekje për një korridor së bashku komunikimi dhe për ta vënë këtë korridor të shërbimeve shumë kritike në duart e qytetarëe të Shqipërisë dhe institucioneve të sigurisë dhe të mos konpromentohet nga palët e treta. Shqipëria është krah SHBA-së dhe do jetë përherë. Shpresoj që sëbashku të bindim dhe palët e tjera në rajon për të na u bashkuar në këtë nismë”
