“OSBE bën vetëm komente” kështu e quajti kryeministri Edi Rama, Organizatën për Siguri dhe Bashkëpunim në Evropë. I ftuar në emisionin “360 Gradë”, Rama tha se OSBE është një nga organizatat që bën vetëm komente. Edhe deklaratën e përfaqësuesi i SHBA-vë në Këshillin e Përhershëm të OSBE-së, Harry Kamian, kryeministri Rama tha se është njeri i thjeshtë dhe nuk ia vlen që të diskutosh mbi komentet e tyre.
Sot, Harry Kamian deklaroi në Vjenë se “korrupsioni dhe kriminaliteti mbeten pengesat për zhvillimin e Shqipërisë“. Ai e lidhi këtë me çështjen më të nxehtë në Shqipëri, të hetimit të ish-ministrit të Brendshëm, Saimir Tahiri. “Në një situatë të tillë, një ish-ministër i brendshëm, i cili tani është anëtar i Parlamentit, është implikuar në Itali për mbështetjen e trafikantëve të drogës.
Rama: Nuk ka asnjë gënjeshtër asnjë konspiracion, është një qëndrim i thjeshtë i dikujt në OSBE. Unë di që ish-ministri i Brendshëm është në hetim. ka një proces ndaj tij të nisur në Shqipëri dhe jo në Itali. Deri sa hetimi nuk ka rezultat deri më tani unë nuk kam pse të flas për deklarata e një njeriu të thjeshtë. OSBE është organizata që bën vetëm komente. Putini thotë që OSBE është agjenture por unë nuk e besoj këtë.
